طريقة: التصريح بمشاهدة القسم علي اساس المشاركات

[khalid77]

وجدتها وخلو الاجانب يطلبو "تنجليز" الهاك ده

بقالي يومين بدور ازاي اخلي قسم مخصص للاعضاء المميزين
اصل انا مش بحب اجبر العضو علي انه يرد علشان يشوف الرابط
مهو هيرد ويقولك متشكرين يا عم وتلاقي الموضوع بقي كله متشكرين متشكرين متشكرين

لكن الاحسن ان انت تعمله جايزة علشان يشارك
قسم مميز

ازاي؟

الحل بقي من غير لا كود ولا هاكات ولا مودات
هنعمل قسمين
واحد اسمه قسم الناس الحلوة
والتاني اسمه قسم مواضيع الناس الحلوة

اول حاجة لازم تعرف عنوان اللينك بتاع قسم الناس الحلوة
تفتح الصفحة الرئيسية للمنتدي وتعمل كليك يمين علي قسم الناس الحلوة وتختار كوبي لينك او شورت كت حسب متصفحك
ده هنعوزه بعدين

نروح عند قسم الناس الحلوة ونعمله تعديل
من خلال
المنتدي--->تعديل المنتدي---->تعديل
تخلي كل الناس تقدر تشوف القسم ده
هتلاقي تحت خالص حاجة اسمها توجيه الي صفحة ويب
تخترها وتكتب عنوان قسم مواضيع الناس الحلوة
حاجة شبه كده
elmoda.eu5.org/index.php/board,12.0.html

بس يا سيدي
تعمل تعديل بردو علي قسم مواضيع الناس الحلوة
ان محدش يشوفو غير الناس الل انت عايزهم
مثلا من اول عضو جديد وانت طالع
حسب ما انت شايف

كده لما العضو يدوس علي قسم الناس الحلوة هيروح علي قسم مواضيع الناس الحلوة
لو مسموح له يدخل هيدخل
لو مش مسموح
هيقوله معلش الحاج خالد ابو محمد ظبط المنتدي

اذا أعجبك موضوعي فالدعاء هو اجري
واذا نقلت موضوعي فلا تغتصب حقي